Transcription
1
Monsieur, je receu au soyr votre lettre à une heure de nuict et se mattin
2
j’ey depeché aux capisteynes Pellisson, Expilly et de Portes pour se trouver
3
toutes troys lundy à Vorèppe, suyvant ce que vous m’avés escript.
4
Je crains fort qu’ilz n’y puisse arriver que mardy de bonne heure
5
pource que pour la seyson où nous sommes de la recorte, beaucoup
6
de soldats seront allés à leur mayson pour y donner ordre. Je
7
vous puys asseurer
8
monsieur, que sy vous n’ayder à ceulx de Vorèppe de quelques
9
eydes à cause de leur paouvreté et qu’ilz ont esté ruynés par
10
la tempeste il y at deux mois, il ne pourrons fournyr mesmes
11
que je scey qu’il n’y at poing de vin ou bien peu. Je vous supplirez
12
bien humblement comme aussy je fais messieurs de Laval, d’Eveynes
13
et de Rosset de venyr disner icy lundy où je vous attendrez.
14
Et pourront lesdits seigneurs de Laval et d’Eveynes aller coucher
15
à leur eyse à la Tyvollière et vous pourrés voyr les trouppes
16
sy elles arrivet lundy comme je leur ey mandé et en vous
17
attandant pour m’arrasser poing mes chevaulx de ne vous
18
aller au devan, don s’il vous pleyt vous m’excuserez, je
19
ferey fin à ma lettre en me recommandans bien humblement
20
à votre bonne grâce, pryant Dieu
21
Monsieur, vous donner en parfaicte santé bonne vye et longue.
22
Du plan de Vorèppe, ce XIIme julhet 1572.
23
Votre bien humble allié et afesionné
24
serviteur
25
des Adrés
26
Ge suplierey madame de Guordes, comme housi fet ma fame, être de la partie.
27